Ndërlidhjet

Lajm i jashtëzakonshëm

TEHERAN


Sipas rezultateve jozyrtare, kryebashkiaku konservator i Teheranit Mahmud Ahmadinejad ka fituar në zgjedhjet e djeshme presidenciale në Iran.
Këtë e kanë konfirmuar edhe burime nga kampi kundërshtar i ish presidentit Akbar Hashemi Rafsanjani.
Raportohet se Ahmadinejad, i cili gjatë fushatës ka premtuar më shumë drejtësi sociale, ka kaluar më mirë në zonat e varfëra të vendit.
"Gjithçka është gati, e kemi pranuar humbjen", ka thënë për agjencinë Reuters një bashkëpunëtor i paemëruar i Rafsanjanit, i cili në garën presidenciale hyri me reputacionin e kandidatit liberal, i prirur ndaj reformave dhe bashkëpunimit me botën.
Zyrtarët e Këshillit për Mbrojtjen e Revolucionit, i cili duhet ta miratojë rezultatin e votimeve, kanë njoftuar se nga 13.3 milionë votat e numëruara deri më tash, Ahmadinejad ka fituar rreth 62 %.
Në Uashington, zëdhënësja e Departamentit të Shtetit Joanne Moore tha se zgjedhjet treguan se Irani nuk "është në hap" me ndryshimet demokratike në Irak, Afganistan dhe Liban.
Rezultatet zyrtare priten gjatë ditës.
XS
SM
MD
LG