Më se 1 mijë vetë kanë protestuar afër bazës kryesore ushtarake të Shteteve të Bashkuara në Afganistan, pas arrestimit të të tetë banorëve lokalë. Protestuesit ishin tubuar sot në bazën ajrore të Bagramit, që është në veri të Kabulit. Ata kërkonin lirimin e të arrestuarve. Protestuesit thanë se ishin të hidhëruar për shkak se trupat amerikane i kishin bërë arrestimet pa i konsultuar autoritetet lokale.
