Kryetari i Unionit Serbi – Mali i Zi, Svetozar Maroviq ka ftuar sot "të gjithë në këtë vend" që të mos e radikalizojnë polemikën lidhur me marrëveshjen me Naton për transferin e trupave. "Kjo marrëveshje është nënshkruar në interes të qëllimeve evropiane, që unioni Serbi – Mali i Zi i ka definuar si prioritete", ka thënë zoti Maroviq. Këtë marrëveshje e patën nënshkruar ministri i jashtëm i unionit Serbi – Mali i Zi, Vuk Drashkoviq dhe sekretari i përgjithshëm i Natos, Jap de Hop Shefer. Përfaqësues të qeverisë së Serbisë, kanë kumtuar, pas nënshkrimit të marrëveshjes, se nuk ishin konsultuar pas hartimit të versionit përfundimtar të tekstit të kësaj marrëvshjeje.