Përfaqësuesit e administratës ndërkombëtare dhe të Qeverisë së Kosovës kanë tërhequr vëmendjen për mungesë fondesh në zbatimin e projekteve që kanë të bëjnë me kthimin e të zhvendosurve, veçanërisht të atyre që i takojnë pakicës serbe. Kjo është bërë e ditur në takimin e zhvilluar sot të grupeve punuese për vlerëesimin e standardit për lirinë e lëvizjes dhe kthimin e të zhvendosurve. Këto grupe punuese kanë thënë se për momentin mungojnë 22 milionë euro të nevojshme për zbatimin e projekteve në fjalë.
