PRISHTINË

I dërguari i posaçëm i Sekretarit të Përgjithshëm të Kombeve të Bashkuara Kofi Anan, ambasadori Kai Eide ka filluar sot turneun e fundit të vizitave të tij Kosovës, me qëllim të hartimit të një raporti për gjendjen e përgjithshme në vend. Ai sot ka lavdëruar qeverinë për vendimet lidhur me decentralizimin dhe ka premtuar se do ta përgatisë shpejt raportin e tij. Por ambasadori Eide ka kërkuar sot, përpjekje të shtuara në luftën kundër krimit të organizuar dhe korrupsionit.
Një raport pozitiv i zotit Eide do të hapte mundësinë e fillim të procesit për përcaktimin e statusit përfundimtar të Kosovës.