Qeveria e Malit të Zi ka vendosur për heqjen e taksës doganore në mallrat me prejardhje nga Kosova. Sipas kumtesës së zyrës qeveritare për marrëdhënie me opinionin, me këtë vendim i kontribuohet krijimit të zonës së tregtisë së lirë në rajon. Në kumtesë mëtutje thuhet se heqja e taksës doganore është e rregulluar me ndryshimet dhe plotësimet e urdhërit për procedurat kufitare me mallrat dhe udhëtarët ndërmjet Malit të Zi e Serbisë.
