"Beogradi dëshiron t’i tregoj bashkësisë ndërkombëtare se vetëm duke ndjekur shembullin e veriut të Kosovës, mund të sigurohet ekzistenca e serbëve edhe në pjesët e tjera të Kosovës", tha shefja e Qendrës Koordinuese të Qeverisë së Serbisë për Kosovën, Sanda Raskovic-Ivic. Këto komente, Ivic i bëri në konferencën e titulluar "Mitrovica e Kosovës gjatë viteve 1999-2005 pjesa veriore”, që po mbahet në Mitrovicë. Sipas saj, krijimi i komunave me shumicë serbe në kuadër të procesit të decentralizimit duke ndjekur shembullin e veriut të Kosovës do të ishte zgjidhja më e mirë për serbët e Kosovës.
