Këshilli grevist i Bashkimit të Sindikatave të Pavarura të Kosovës ka zhvilluar sot një takim me zëvendës kryeministrin e Kosovës, Adem Salihajn, në përpjekje për të gjetur zgjidhje rreth pengesave që janë shfaqur në nivelizimin e rrogave të punëtorëve të sektorit publik dhe për të shmangur mbajtjen e grevës së përgjithshme. Arsim Osmani, zëdhënës i Bashkimit të Sindikatave tha se takimi ka përfunduar pa sukses, prandaj, sipas tij, greva e përgjithshme në sektorin publik fillon të hënën, më 3 tetor.
