Komisioneri evropian për zgjerimin, Oli Rehn, ka qëndruar sot në Beograd ku ka hapur bisedimet rreth marrëveshjes së asocim stabilizimit. Vizita e Rehn vjen një javë pas miratimit nga Brukseli për hapjen e bisedimeve me Beogradin. Rehn ka theksuar se suksesi në realizimin e një marrëveshje të tillë për Serbinë e Malin e Zi qëndron në bashkëpunimin me Gjykatën e Hagës. Më tej ai ka shtuar se bisedimet e ardhshme për statusin e Kosovës dhe referendumi për pavarësi i planifikuar në Mal të Zi nuk duhet të pengojnë negociatat për Marrëveshjen e asocim stabilizimit. Por ai ka nënvizuar se një ndarje e mundshme e Malit të Zi do të kërkonte "një mandat të ri për bisedime të ndara me Beogradin dhe Podgoricën në këtë çështje", çfarë sipas Rehn "do të merrte kohë".
