Presidentët e Bosnje – Hercegovinës, Kroacisë dhe Unionit Serbi Mal i Zi janë takuar sot për të diskutuar për raportet ndërmjet këtyre vendeve. Takimi përkon me 10 vjetorin e përfundimit të luftës në Bosnje, thanë zyrat e presidentëve. Ivo Miro Joviq, Stipe Mesiq dhe Svetozar Maroviq, nesër pritet të nënshkruajnë marrëveshjen, sipas të cilës, marrëdhëniet mes këtyre vendeve në të ardhmen do të bazohen në respekt të ndërsjelltë për sovranitetin dhe çështjet e brendshme.
