PRISHTINË

I dërguari i Kombeve të Bashkuara Marti Ahtisari arrin sot në Prishtinë, për bisedimet përgatitore rreth statusit të Kosovës. Gjatë dy ditëve të vizitës, ai do të takohet me ekipin negociator, presidentin Ibrahim Rugova, përfaqësues të UNMIK-ut, të KFOR-it si dhe me udhëheqës të partive politike. Pas Prishtinës, Ahtisari do të qëndrojë edhe në Beograd, Tiranë, Podogoricë dhe Shkup.
"Qëllim i udhëtimit të parë, është dëgjimi i palëve dhe mbledhja e përshtypjeve" ka thënë më herët Ahtisari.