"Është endë tepër herët të paragjykohet statusi i ardhshëm i Kosovës, mirëpo ndarja është një opsion i pamundshëm dhe kjo është thënë qartë edhe nga Grupi i Kontaktit", tha sonte në mbrëmje në Prishtinë i dërguari i posaçëm i Kombeve të Bashkuara për statusin e Kosovës, Marti Ahtisari. Ai i ka bërë këto komente në një konferencë shtypi në fund të qëndrimit të tij treditor në Kosovë."Unë ua kam bërë të ditur të gjithë bashkëbiseduesve se po e bëjmë statusin bashkë me standardet dhe është me rëndësi të ketë stabilitet gjatë kësaj kohe," tha zoti Ahtisari.
