"Është shënuar shumë përparim në Ballkan dhe për ta parë këtë duhet të krahasojmë Ballkanin sot me atë të pesë apo dhjetë viteve më parë. Megjithatë paqja dhe stabiliteti janë ende të brishta. Duhet bërë shumë që të eliminohen burimet e paqëndrueshmërisë", ka deklaruar në një intervistë në prag të turneut diplomatik në Beograd e Prishtinë ministri i jashtëm i Greqisë, Petros Moliviatis. Më tej ai ka shtuar se tre janë problemet kyçe, statusi i Kosovës, referendumi për pavarësinë e Malit të Zi dhe kushtetuta që synon njehsimin e Bosnjë Hercegovinës.
