Mijëra hektarë tokë janë vërshuar dhe qindra shtëpi janë dëmtuar nga të reshurat e mëdha në Shqipëri, ka thënë zëdhënësi i Ministrisë së brendshme, Altin Ndroqi. Nga vërshimet janë bllokuar rrugët dhe urat në shumë rajone dhe janë dëmtuar largëpërçuesit e tensionit të lartë. Kjo ka vështirësuar edhe më tepër furnizimin me rrymë elektrike në Shqipëri. Televizioni lokal ka raportuar se nga vërshimet në Elbasan humbi jetën një çift bashkëshortor.