Delegacionet nga Prishtina dhe Beogradi në Grupin punues për personat e pagjetur sot kanë mbajtur një takim me dyer të mbyllura. François Stam, përfaqësues i Komitetit Ndërkombëtar të Kryqit të Kuq, i cili ndërmjetëson dhe mbikqyr punën e këtij grupi, pas takimit ka theksuar se “është thelbësore që problemi i personave të pagjetur të jetë parësor dhe të trajtohet tash, sidomos në kohën kur po fillojnë bisedimet për zgjidhjen e statusit të Kosovës dhe kjo çështje mund të ndihmojë në procesin e pajtimit”. Ndërkaq, Arsim Gergjaliu, nga delegacioni i Prishtinës, thotë se në takimin e sotëm është treguar vullnet pozitiv për vazhdimin e punës së ketij grupi për zbardhjen e fatit të personave të pagjetur.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
