Në ditën e dytë të qëndrimit të tij në Kosovë, zëvendësi i të dërguarit të posaçëm të Kombeve të Bashkuara për statusin e Kosovës Alber Rohan, ka takuar në orët e mëngjesit kryeministrin e Kosovës Bajram Kosumi dhe me kryetarin e Kuvendit Nexhat Daci. Gjatë ditës zoti Rohan pritet të takojë edhe Hashim Thaçin, lider i partisë më të madhe opozitare, Partisë Demokratike të Kosovës. Ndërsa nesër, Rohan, do të ketë një konferencë për shtyp, ku pritet të përmbledhë përshtypjet e tij nga qëndrimi triditësh në Kosovë.
