Kuvendit të Kosovës sot i është drejtuar me një fjalim Fatmir Limaj, i shpallur ditë më parë i pafajshëm pas procesit gjyqësor ndaj tij në Gjykatën e Hages. Limaj u ka bërë thirrje deputetëve dhe partive politike që në këtë moment të përcaktimit të statusit të Kosovës t’i lënë anash dallimet partiake dhe ta përkrahin delegacionin e Kosovës në bisedimet për statusin. Po ashtu, Limaj ka kërkuar nga institucionet e Kosovës që t’u dalin në ndihme dhe mbrojtje kosovarëve që akuzohen nga Haga, duke besuar se e drejta dhe e vërteta është në anën e Kosovës.
