Ministri i jashtëm i Shqipërisë, Besnik Mustafaj, në një intervistë për Radion "Evropa e Lirë", ka vlerësuar se viti që po lëmë pas ka qenë po aq historik për Kosovën sa dhe 1999, për shkak të fillimit të bisedimeve për statusin. Duke folur për negociatat Mustafaj ka thënë "nga këto negociata si dhe të gjithë shqiptarët e komuniteti ndërkombëtar që është prezent në Kosovë, qoftë në mënyrë të drejtëpërdrejt apo të tërthortë, pres të përcaktohet statusi i cili prodhon stabilitet jo vetëm për Kosovën, por për gjithë rajonin. Statusi që prodhon stabilitet është pavarësia."
