Rreth 5 mijë myslimanë shiitë protestuan në qendër të Bagdatit duke kërkuar zgjedhje të drejtëpërdrejta. Demonstratat i organizuan mbështetësit e klerikut shiit Ayatollah al-Sistani, i cili e ka hedhur poshtë propozimin e Shteteve të Bashkuara që bartja e pushtetit të bëhet përmes Asamblesë së Përkohshme, anëtarët e së cilës do të caktohen në 18 rajonet e vendit. Demonstratat i paraprijnë takimit në Nju Jork, mes kryeadministratorit Pol Bremer dhe sekretarit të përgjithshëm të Kombeve të Bashkuara Kofi Annan.
