Anëtari i kryesisë së Kuvendit të Kosovës, Oliver Ivanoviq ka vlerësuar se kthimi i Partisë Socialiste të Serbisë në pushtet, nëpërmjet të përkrahjes për qeverinë e pakicës së Partisë Demokratike të Serbisë, do tu shkaktonte dëme shumë të mëdha serbëve në Kosovë. "Dëshiroj të besoj se afrimi i Partisë së Koshtunicës me Partinë Socialiste të Serbisë është vetëm një zgjidhje momentale, që ka mundësuar zgjedhjen e kryetarit të Kuvendit dhe se nuk do të ndodhë që të formohet qeveria me mbështetjen e socialistëve", ka thënë Oliver Ivanoviq.
