Pas bllokadës 7-javëshe duket se Serbia është më afër formimit të qeverisë. Kthesa është bërë dje kur Partia e Ripërtritjes Serbe vendosi t'i bashkohet Partisë Demokratike të Serbisë të Vojislav Koshtunicës. Kjo qeveri, që do të ishte e pakicës, me gjasë do të mbështetet nga Partia Socialiste e Slobodan Millosheviqit. Më parë Partia Radikale që kishte fituar më së shumti vota në zgjedhjet parlamentare nuk kishte arritur të siguronte shumicën e nevojshme për formimin e qeverisë së re.
