Përfaqësues të Francës, Britanisë dhe Gjermanisë do të takohen sot në Berlin. Kancelari gjerman Gerhard Shreder, kryeministri britanik Tony Blair dhe presidenti francez Zhak Shirak, kanë deklaruar se biseda e tyre do të përqëndrohet në çështjet ekonomike. Në anën tjetër, kryeministri italian Silvio Berluskoni e ka përshkruar këtë takim si përpjekje për krijimin e një "kryesie" evropiane e cila do të sillte telashe të mëdha. Berluskoni më tej ka shtuar se edhe shtetet e tjera evropiane e ndjejnë këtë frikë.