Komandanti i komandës amerikane në Evropë, gjenerali James Jones ka deklaruar se shpërthimi i dhunës ndëretnike në Kosovë këtë muaj, është dëshmi se bota duhet të merret me statusin përfundimtar të Kosovës, pasi sulmet ajrore të NATO-s i dhanë fund shtypjes serbe ndaj lëvizjes për pavarësi të shumicës shqiptare më 1999. Gjenerali Jones ka thënë se është evidente që ekzistojnë shkaqe për pakënaqësi etnike në Kosovë.