Presidenti afgan Hamid Karzai ka thënë se zgjedhjet presidenciale, fillimisht të caktuara për në qershor, janë shtyrë për shtator. "Ne jemi përqendruar në mbajtjen e zgjedhjeve presidenciale dhe parlamentare në të njëjtën kohë", ka deklaruar Karzai, duke shpjeguar se komisioni zgjedhor i Kombeve të Bashkuara ka thënë se nëse doni të keni zgjedhje presidenciale dhe parlamentare njëkohësisht, kjo nuk është e mundur për shkaqe teknike, pasi nga 10 milionë afganë që duhen regjistruar, deri më tash janë regjistruar vetëm 1.6 milionë.
