Armëpushimi i brishtë në Fallujah është zgjatur edhe për 48 orë të tjera, ndërkohë që luftime sporadike ka pasur kohëpaskohe, kur forcat amerikane kanë qëlluar nga ajri, duke iu përgjigjur zjarrit të militantëve. Burime të spitalit në Falluja kanë thënë se pesë irakienë janë vrarë vetëm gjatë ditës së sotme. Ndërkohë departamenti amerikan i mbrojtjes tha se po planifikon të zgjerojë forcën e vet luftarake në Irak me disa mijëra ushtarë amerikanë.