Kondoliza Rajs, këshilltare për siguri kombëtare e presidentit amerikan, ka kërkuar falje nga bota arabe për keqtrajtimin e të burgosurve irakianë nga trupat amerikane. Gjatë një interviste mbrëmë vonë në rrjetin televiziv al-Arabia, Kondoliza Rajs ka thënë se abuzimet e këtilla janë të papranueshme dhe ka shprehur vendosmërinë e Shteteve të Bashkuara për gjetjen dhe dënimin e personave që janë përgjegjës.
