Sipas parashikimeve të para, që janë bërë nga Instituti Kombëtar Demokratik, me seli në Uashington, gjenerali në pension Susilo Bambang Yudhoyono fitoi numrin më të madh të votave në zgjedhjet e sotme në Indonezi, por megjithatë kjo i mundëson atij vetëm pjesëmarrje në rundin e dytë të zgjedhjeve. Është thënë se pritet që zoti Yudhoyono do të fitoj 33.9% të votave, presidentja aktuale Megawati Sukarnoputri 24.9%, ndërsa gjenerali tjetër i pensionuar, Wiranto 23.8% të votave. Agjencitë e lajmeve informojnë se këto ishin zgjedhjet e para, të drejtëpërdrejta, për president të Indonezisë. Deri tash ai ishte zgjedhur nga Parlamenti i këtij vendi.