Millorad Ulemek Legija, i akuzuari i parë për vrasjen e kryeministrit të Serbisë, Zoran Gjingjiq, deklaroi sot në vazhdimin e gjykimit, se pushka me të cilën është vrarë zoti Gjingjiq, nuk ishte pjesë e armatimit të njësisë për operacione speciale. Sipas akuzës, ish shefi i sigurimit i zotit Ulemek, Nenad Share kishte thënë se këtë pushkë i akuzuari Legija e kishte marrë në njësinë për operacione speciale dhe ia kishte dhënë Zvezdan Jovanoviqit, i cili më 12 mars të vitit 2003, e vrau Zoran Gjingjiqin. Në seancën e sotme gjyqësore, i akuzuari Legija ka thënë se "ai e ka tezën e tij" për atentatin kundër zotit Gjingjiq, por tash atë tezë nuk dëshiron ta paraqesë.
Përdorimi i përmbajtjes sonë
⚠️ Përmbajtja e ueb-faqes dhe/apo platformave të tjera digjitale të Radios Evropa e Lirë mbrohet nga ligjet amerikane dhe ndërkombëtare për të drejtën e autorit.
Mirëpresim ripërdorimin, ripublikimin dhe rishpërndarjen e përmbajtjes sonë, të publikuar në platformat tona digjitale, me kusht që të na citoni drejt si "Radio Evropa e Lirë", bashkë me linkun që çon te përmbajtja jonë origjinale.
