"Bashkimi Evropian në afat prej dy vjetësh do të duhej të arrijë marrëveshjen e stabilizim asociimit me Serbinë e Malin e Zi, Bosnje Hercegovinën dhe Shqipërinë", ka thënë komisioneri i Bashkimit Evropian në Slloveni Janesh Potocnik. Në një artikull, që sjell numri i sotëm i gazetës londineze "Fajnenshëll Tajms", thuhet se Potocnik ka vlerësuar se në këtë mënyrë BE-ja do të mund të mbyllte procesin e reformave dhe evropianizimit të Ballkanit perendimorë në tri vende të cilat tani janë të larguara nga procesi i stabilizim asociimit.
