Ambasadori amerikan në Beograd, Majkël Polt ka thënë sot se Shtetet e Bashkuara janë të gatshme që ta mbështesin mbajtjen e disa proceseve gjyqësore për krime të luftës në gjyqet e Serbisë, me kusht që Radovan Karaxhiqi dhe Ratko Mlladiqi të dorëzohen në Tribunalin e Hagës. Këto komente zoti Polt i bëri me rastin e dhënies së pajisjeve për gjyqin special për krime të luftës në Beograd.
