Zonjat e para nga vende të Evropës Qëndrore e Lindore janë mbledhur në Tiranë për të diskutuar rrugët për të luftuar kancerin e gjirit. Konferenca është organizuar nën kujdesin e bijës së presidentit të Shqipërisë. Në Shqipëri 80 – 90% e grave të prekura nga kanceri i gjirit vdesin për shkak të diagnostifikimit të vonshëm dhe mungesës së masave paraprake. Milka Mesic, bashkëshortja e presidentit kroat Mesic ka deklaruar se "jemi mbledhur të bëjmë cfarë është e mundur të luftojmë këto sëmundje dhe të shpëtojmë jetë njerëzish".
