"Ata që kërkojnë nga serbët e Kosovës të mos votojnë nuk mendojnë për interesat e popullit të vet. T'i nxisësh njerëzit që të mos përdorin të drejtën e tyre bazë, atë të votës, është antidemokratike". Kështu ka deklaruar kreu i UNMIK-ut, Soren Jessen Petersen në prag të zgjedhjeve të së shtunës. Më tej ai i ka cilësuar këto kërkesa si të papranueshme. Beogradi zyrtar, me përjashtim të presidentit Tadic, ka kërkuar nga serbët e Kosovës të mos marrin pjesë në votime.
