Augustin Palokaj, Bruksel
Ndërkohë që në Kosovë qytetarët vazhdojnë të votojnë për zgjedhjet e dyta parlamentare të vendit, zyrtarët ndërkombëtarë në Bruksel si në selinë e Bashkimit Evropian ashtu dhe të NATO-s, shpresojnë që dalja në votime të jetë sa më masive, sidomos që sa më shumë përfaqësues të komunitetit serb të votojnë. Për momentin BE-ja ende shpreh keqardhje për faktin se një numër i madh i liderëve të Serbisë, në vend që t'i ftojnë serbët e Kosovës të dalin në zgjedhjet e sotme, kanë bërë të kundërtën duke i ftuar ata t'i bojkotojnë ato. Zyrtarët e Bashkimit Evropian dhe të NATO-s edhe në ditën e zgjedhjeve kanë pohuar se mënyra më e mirë për secilin qytetar të Kosovës, pa marrë parasysh përkatësinë kombëtare, që të sigurojnë që të dëgjohet edhe zëri i tyre, kur të merren vendime të rëndësishme për të ardhmen, është që të dalin në votime. Zhvillimi i qetë i zgjedhjeve dhe shmangia e incidenteve ishte dëshira prioritare e Bashkimit Evropian dhe NATO-s, prandaj në këto momente, janë të lumtur se gjithshka në Kosovë po kalon në qetësi. Zyrtarët në Bruksel pohojnë se pas mbarimit të zgjedhjeve, sytë e BE-së dhe të NATO-s, sikurse edhe të shteteve të tyre anëtare, do të jenë të drejtuar nga liderët e Kosovës, partitë e të cilëve do të fitojnë më së shumti vota. Bashkimi Evropian siç kishin porositur edhe më parë ministrat e jashtëm të vendeve anëtare përmes konkluzave zyrtare, pret që pas këtyre zgjedhjeve të formohet më shpejt qeveria e Kosovës, e cila duhet të jetë sa më gjithëpërfshirëse dhe e gatshme të marrë përgjegjësitë e reja dhe të përmbushë standardet e duhura, që do ta çojnë Kosovën drejt përcaktimit të statusit përfundimtar. Deklarimet e zyrtarëve të BE-së apo NATO-s për zgjedhjet në Kosovë mund të priten vetëm pasi të mbyllen vendet e votimeve dhe ato do të jenë kryesisht të lidhura me mbarëvajtjen e zgjedhjeve. Sa u përket vetë rezultateve të zgjedhjeve të sotme, Bashkimi Evropian dhe NATO thonë se nuk do t'i komentojnë ato derisa të shpallen rezultatet përfundimtare zyrtare.
Ndërkohë që në Kosovë qytetarët vazhdojnë të votojnë për zgjedhjet e dyta parlamentare të vendit, zyrtarët ndërkombëtarë në Bruksel si në selinë e Bashkimit Evropian ashtu dhe të NATO-s, shpresojnë që dalja në votime të jetë sa më masive, sidomos që sa më shumë përfaqësues të komunitetit serb të votojnë. Për momentin BE-ja ende shpreh keqardhje për faktin se një numër i madh i liderëve të Serbisë, në vend që t'i ftojnë serbët e Kosovës të dalin në zgjedhjet e sotme, kanë bërë të kundërtën duke i ftuar ata t'i bojkotojnë ato. Zyrtarët e Bashkimit Evropian dhe të NATO-s edhe në ditën e zgjedhjeve kanë pohuar se mënyra më e mirë për secilin qytetar të Kosovës, pa marrë parasysh përkatësinë kombëtare, që të sigurojnë që të dëgjohet edhe zëri i tyre, kur të merren vendime të rëndësishme për të ardhmen, është që të dalin në votime. Zhvillimi i qetë i zgjedhjeve dhe shmangia e incidenteve ishte dëshira prioritare e Bashkimit Evropian dhe NATO-s, prandaj në këto momente, janë të lumtur se gjithshka në Kosovë po kalon në qetësi. Zyrtarët në Bruksel pohojnë se pas mbarimit të zgjedhjeve, sytë e BE-së dhe të NATO-s, sikurse edhe të shteteve të tyre anëtare, do të jenë të drejtuar nga liderët e Kosovës, partitë e të cilëve do të fitojnë më së shumti vota. Bashkimi Evropian siç kishin porositur edhe më parë ministrat e jashtëm të vendeve anëtare përmes konkluzave zyrtare, pret që pas këtyre zgjedhjeve të formohet më shpejt qeveria e Kosovës, e cila duhet të jetë sa më gjithëpërfshirëse dhe e gatshme të marrë përgjegjësitë e reja dhe të përmbushë standardet e duhura, që do ta çojnë Kosovën drejt përcaktimit të statusit përfundimtar. Deklarimet e zyrtarëve të BE-së apo NATO-s për zgjedhjet në Kosovë mund të priten vetëm pasi të mbyllen vendet e votimeve dhe ato do të jenë kryesisht të lidhura me mbarëvajtjen e zgjedhjeve. Sa u përket vetë rezultateve të zgjedhjeve të sotme, Bashkimi Evropian dhe NATO thonë se nuk do t'i komentojnë ato derisa të shpallen rezultatet përfundimtare zyrtare.