"Në territorin e Serbisë gjenden 17 varreza masive me trupat e shqiptarëve të vrarë gjatë luftës në Kosovë në vitet 1998 –99," i ka thënë sot agjencisë së lajmeve Associated Press, ish ministri i brendshëm i Serbisë, Dushan Mihajloviq. Ai ka akuzuar autoritetet serbe se po i fshehin faktet dhe se po hezitojnë që të arrestojnë përgjegjësit për këto vrasje. Mihajloviq ka thënë se policia ka dokumentacionet për krimet e kryera në Kosovë.
