Trupat e Mbrojtjes së Kosovës po ecin më shpejt sesa pjesët e tjera të institucioneve drejt përmbushjes së standardeve ka thënë sot kryeministri i Kosovës, Bajram Rexhepi, ndërsa vetë komandanti i TMK-së, gjenerali Agim Çeku tha se problemi kryesor në këtë rrugë është rekrutimi i pjesëtarëve të pakicave. Gjenerali Çeku pas një takimi me Quintin dhe shefat e pranisë ndërkombëtare, ushtarake e civile në Kosovë tha se TMK-ja do të riorganizohet dhe do t'i jepen detyra shtesë.
