Presidenti i Kosovës Ibrahim Rugova e ka nominuar sot dhe zyrtarisht krytarin e Aleancës për Ardhmërinë e Kosovës, Ramush Haradinaj për kryeministër të Kosovës. Ndërkohë, në takimet e ndara që shefi i UNMIK-ut, Soren Jessen Petersen, ka zhvilluar me Rugovën dhe Haradinajn, ai u ka bërë të qartë partnerëve të rinj qeverisës se qeveria e re e ka në duart e veta fatin e vlerësimit pozitiv të standardeve. Ai i ka paralajmëruar ata se në rast të dështimit, atëherë do të dështonin të gjitha proceset në Kosovë.
