Misioni i Kombeve të Bashkuara në Kosovë gjatë muajit të ardhshëm do të bëjë amnistimin e armëve ilegale në gjithë Kosovën. Kjo është një përpjekje e vazhdueshme e këtij misioni që të zvogëlojë numrin e madh të armëve ilegale që mbahen nga civilët. Sipas raportit të fundit të Programit për Zhvillim të Kombeve të Bashkuara, mbi 400 mijë armë mbahen pa leje. Kjo është hera e tretë që autoritetet ndërkombëtare në Kosovë bëjnë amnistimin e armëve që nga përfundimi i luftës.
