Policia e Kombeve të Bashkuara ka njoftuar se disa persona mbrëmë kanë sulmuar me gurë edhe tri vetura të tjera shqiptarësh, derisa këta të fundit po kalonin nëpër Gracanicë, 6 km në lindje të Prishtinës. Incidentet e mbrëmshme pasojnë atë të një dite më parë, kur një grup serbësh kishte rrahur deri në alivanosje 5 shqiptarë, të cilët po udhëtonin nëpër këtë rrugë. Deri më tash askush nuk është arrestuar lidhur me këto raste.
