Kanë filluar kërkimet në ish pallatet e diktatorit të rrëzuar Sadam Husein, në kërkim të trupave të njerëzve të vrarë nga regjimi gjatë luftës. Kjo është bërë e ditur nga Gjysmë Hëna irakiane, e cila theksoi se vullnetarët e kësaj organizate kanë nxjerrë deri tani kufomat e 45 njerëzve. Nuk ka numër të saktë të civilëve apo ushtarëve irakianë të vrarë, megjithatë shifrat e përafërta llogarisin 15 mijë deri në 20 mijë irakianë të vrarë gjatë luftës.
