ARBIL/IRAK

Forcat e Shteteve të Bashkuara të mbështetura nga helikopterë hyrën në lagjen al-Arabi të Mosulit, në veri të Irakut, duke gjurmuar presidentin e dëbuar irakian, Saddam Hussein.
Forcat amerikane ndërmorën aksionin në bazë të informatave se Saddam mund të fshihej në ato lagje të Mosulit.
Ndërkohë Kombet e Bashkuara dhe Komiteti Ndërkombëtar i Kryqit të Kuq- përfshirë edhe organizata tjera humanitare- thonë se po e reduktojnë personelin në Irak, pas valës së sulmeve të fundit vrastare.