Këshilltarja për siguri kombëtare e presidentit amerikan, Condoleezza Rice tha mbrëmë vonë se sipas planit që zbatohet nga administratori amerikan i Irakut, Paul Bremer, parashihet që transferi i sovranitetit tek irakianët të bëhet pas miratimit të Kushtetutës dhe pas mbajtjes së zgjedhjeve demokratike. Ajo mëtutje u shpreh edhe lidhur me planin francez për një transfer të shpejtë të sovranitetit tek irakianët: "Mendoj se, ashtu siç kemi thënë të gjithë ne, plani francez, që në një mënyrë parasheh transferin e sovranitetit te një grup personash që nuk janë zgjedhur, thjeshtë nuk është funksional".
