Greqia dhe Turqia kanë nënshkruar Konventën e Otavës, që ndalon minat tokësore, dhe së shpejti këto dy vende do të fillojnë pastrimin e minave përgjatë kufirit të tyre, ka thënë sot një zyrtar i ministrisë së jashtme të Greqisë. Pjesa më e madhe e minave përgjatë këtij kufiri ishte vendosur pas vitit 1974 kur të dy rivalët, anëtarë të Natos, ishin në prag të luftës lidhur me invadimin turk në Qipro.