Në një koment të gazetës shtetërore kineze China Daily, që botohet në gjuhën angleze, lidhur me propozim – rezolutën e re që po qarkullon në Këshillin e Sigurimit, thuhet se "duke paraqitur afatin për procesin politik të Irakut, Shtetet e Bashkuara kanë bërë një koncesion simbolik ndaj kërkesës së mëhershme të Kombeve të Bashkuara për transferin e pushtetit tek irakianët si kusht për mbështetje". Por, megjithatë, në këtë shkrim të gazetës kineze për këtë dokument, thuhet se ka "mungesë substanciale të qëndrimit amerikan për ti bindur anëtarët e Këshillit të Sigurimit se superfuqia botërore tash realisht dëshiron ta ndajë pushtetin në Irak".
