Në raportin më të ri të Kombeve të Bashkuara vlerësohet se në përgjithësi në botë, nga virusi i Sidës janë të infektuar afro 40 milionë njerëz. Duke u mbështetur në këtë raport, agjencitë e lajmeve informojnë se gjatë vitit 2003, nga sëmundja e sidës kanë vdekur afro 3 milionë njerëz, ndërsa 5 milionë persona janë infektuar nga ky virus. Numri i të sëmurëve që kanë vdekur dhe i atyre që janë infektuar me këtë virus, në vitin 2003, ka arritur nivelin më të lartë.
