Lideri i seperatistëve çeçenë, Ahmed Zakajev ka marrë azil politik në Britaninë e Madhe, gjë që ka shkaktuar reagime të rrepta të Moskës zyrtare. Shefi i diplomacisë ruse, Igor Ivanov i ka deklaruar "Tajms"-it londinez se ky vendim i autoriteteve britanike paraqet "fyerje". Ivanov ia ka tërhequr vërejtjen Britanisë së Madhe, që në rast se vazhdon t'u japë azil politik "terroristëve", do të dëmtojë bashkëpunimin midis dy vendeve në "luftë kundër terrorizmit".
