Nënkryetari i qeverisë së Serbisë, Nebojsha Çoviç ka deklaruar se Beogradi dhe serbët e Kosovës do t'i pranojnë standardet në Kosovë, vetëm atëherë kur të jenë precizuar qartë dhe kur të caktohet koha dhe institucionet, të cilat do të jenë përgjegjëse për realizimin e tyre. Gjatë një takimi me përfaqësuesit e serbëve të Kosovës në Beograd, Çoviç ka theksuar se realizimi i standardeve nuk do të përfundojë me sukses në rast se në hartimin e tyre "ka paqartësi dhe dykuptimësi".
