Në Serbi sot u mbajtën zgjedhjet parlamentare, në të cilat u shënua dalje më e madhe e votuesve se sa në zgjedhjet e mëparshme. Organizata joqeveritare Cesid ka paralajmëruar se vlerësimin e rezultateve të këtyre zgjedhjeve, do ta japë aty kah ora 22. Në zgjedhje konkurruan 19 parti dhe koalicione. Votimet për këto zgjedhje u mbajtën edhe në Kosovë, në venbanimet me popullatë serbe. Policia ka thënë se nuk ka pasur incidente.
