Presidenti i Jugosllavisë, Vojislav Kostunica dhe ministri federal i punëve të jashtme, Goran Svilanoviq biseduan me kryeadministratorin, Hans Haekkerup për gjendjen në Kosovë. Nga kabineti i kryetarit Kostunica u tha se “ai ka ripërsëritur vërejtjet për kornizën e përkohshme kushtetuese”, e cila u miratua kohë më parë. Agjencia beogradase Beta transmeton pjesë të kumtesës ku thuhet se “është i domosdoshëm krijimi i kushteve të sigurisë për kthimin e Serbëve të zhvendosur”.
