Ministrja e punëve të jashtme të Suedisë, Anna Lindh, ka vërejtur se udhëheqësit e Bashkimit Evropian, i kanë dhënë mbështetje të fortë idesë së afatizimit të procesit të zgjerimit të BE-së. Lind, e cila është kryesuese e rradhës e presidencës së Bashkimit Evropian, nënvizoi se “duhet dhënë sinjali i qartë se procesi i zgjerimit është i pakthyeshëm” pas mesazhit negativ që dhanë votuesit irlandezë të cilët, në referendumin e javës së kaluar refuzuan marrëveshjen e Nicës.
