Shefat e Diplomacive të vendeve-kandidate për anëtarësim në NATO nga Evropa Lindore, në takimin ministror në Talin, i kanë mbështetur përpjekjet e NATO-s dhe të Unionit Evropian për të ndihmuar në gjetjen e zgjidhjes së krizës në Maqedoni. Në deklaratën e ministrave të jashtëm të këtyre 10 vendeve, thuhet se ata “e mirëpresin rolin e NATO-s dhe të Unionit Evropian, në përpjekjet e Qeverisë maqedonase dhe të presidentit Trajkovski për zgjidhjen e krizës përmes rrugës paqesore”.
